Ikasle Abertzaleek hainbat ekitaldi antolatu dituzte Goierrin Azaroaren 25erako
Hitzaldiak eta elkarretaratzeak egingo dituzte, emakumeen aurkako indarkeria desagertzeko aldarrikatuz
Ikasle Abertzaleak antolakundeak egunak daramatza Goierriko ikastetxez ikastetxe Azaroaren 25eko Emakumeen aurkako indarkeria desagerrarazteko nazioarteko egunari buruzko lanketa asanblada irekien bidez egiten. Baina egunean bertan ere, hau da, azaroaren 25ean, hainbat ekintza gauzatuko ditu.
Hala, Beasainen, Txindoki institutuan hitzaldia egingo dute areto nagusian 11:00etan, eta ondoren, 11:40ean, elkarretaratzea patioan.
Lazkaoko San Benitoko ikasleentzat ere hitzaldia antolatu dute, baina udaletxean egingo dute, 09:45ean. Ondoren elkarretaratzea egingo dute ikastetxearen parean.
Urretxu-Zumarragako Lizeoan, berriz, elkarretaratzea dago deituta 11:00etarako, patioan.
Eta azkenik, Legazpiko Haztegi ikastolan ere elkarrateratzea egingo dute patioan, 11:15ean.
