Zinemako ilarak saihesteko, sarrera lehenago erosteko eskatu dute Legazpin
Leihatila saioa hasi baino ordu erdi lehenago irekitzen dutela gogorarazi dute, eta sarrera internet bidez eros daitekeela ere bai.
Legazpiko Latxartegi areotan zinemako txartelak erostean sortzen diren ilarak direla eta, Zine Klub Legazpi talde arduradunak gogorarazi du leihatila saioa hasi baino ordu erdi lehenago irekitzen dela, hau da, 16:30ean haurrentzako saioan eta 18:30ean gainerako saioetan.
Ilarak saihesteko sarrera erostera lehenago joateko eskatu dute, edo internet bidez erosteko https://latxartegisarrera.sacatuentrada.es/ webgunean. Bertan, gainera, karteldegiko pelikulei buruzko informazioa ere badago.
Asteburuko karteldegia
Asteburu honetan hiru pelikula izango dira ikusgai Latxartegin. Ostiralean, 19:00etan, Tory y Lokita filma proiektatuko dute zine klub saioan, eta igandean 17:00etan DC Liga de Supermascotas emango dute haurrentzako saioan, eta 19:00etakoan, En los margenes.
