Gabonetan zaintza berezia egingo dute Beasaingo Udaltzaingoak eta Ertzaintzak elkarlanean
Merkatal eremuetan lapurretak ekiditea eta errepidean alkohola edo drogak kontsumitu duten gidariak atzematea izango dute helburu.
Gabonetan Udaltzaingoak eta Ertzaintzak elkarlanean zaintza berezia egingo dute merkatal eremuetan lapurretak saihesteko. Era berean, Eusko Jaurlaritzako trafiko kanpainen barruan egun hauetan zaintza berezia egingo dute alkohol edo drogen eraginpean diren gidariak atzemateko. Horregatik egun hauetan hainbat kontrol egingo ditu bai Udaltzaingoak eta baita Ertzaintzak ere udalerriko leku ezberdinetan.