Beste lau aparkaleku egingo dituzte Altamira estadioko aparkalekuan
Lanak dagoeneko hasi dituzte. Herrian zehar hainbat asfaltatze lan egingo dituzte.
Maitane Alvarez alkateordea, gaur, Altamira estadioan.//L.G. Altamira estadioko aparkalekuan beste lau aparkaleku egingo dituzte. Lanak hasi dira dagoeneko. Anexoko aparkalekuan dauden bi isletak kenduko dituzte, eta bertan jarriko dituzte autoentzako leku berriak. Kirol partidak edo entrenamenduak daudenean aparkalekua bete egin ohi denez, espazioa gehitu nahi diote eremuari. Obrek ordu gutxi iraungo dutela jakinarazi du udalak, eta laster erabilgarri egongo dela. Oraingoz, aparkalekuko zati bat makinek okupatzen dute.
Lan horiez gain, beste berrikuntza lan batzuk egingo ditu udalak. Okorro parkeko eskaileren ondoren dagoen zuloa tapatuko dute, eta baita herrian zehar dauden beste zulo batzuk ere. Udaberrian herriguneko hainbat kale asfaltatuko dira. “Badakigu asfaltatze lanak garrantzitsuak direla, errepidea ahalik eta ondoen izateko. Horregatik, urteroko plangintza egiten gabiltza ekintza horiek jasotzeko”, azaldu du Maitane Alvarez alkateordeak.
