Diez eta Zubizarreta garaile Ordiziako Mendi Lasterketan
Ordiziako Mendi Lasterketa egin dute gaurkoan eta Diez segurarra eta Zubizarreta beasaindarra izan dira azkarrenak Goierri Trail Kopako bigarren proban.
Ordiziako Mendi Lasterketa bueltan izan dute gaurkoan korrikalariek eta formatu berrituan gainera, lasterketa herriaren erdigunera ekarrita. Goizeko 9etan abiatu dira korrikalariak Ordiziako plaza nagusitik eta Usurbe igo ondoren eta Murumenditik itzulia egin ostean herriko plazara itzuli dira. Ibilbide hau egiteko irrikaz 157 pertsonak eman zuten izena, baina gaurkoan helmugako marra zeharkatu dutenak 153 izan dira.
Martin Diez Virto segurarra eta Irati Zubizarreta Armendariz izan dira gaurko probako garaileak. Hala ere, goierritarren presentzia nabarmena izan da, izan lasterketan bertan, zein podiumean; izan ere, 23 urtez azpikoen kategoriako parte-hartzaile guztiak goierritarrak izan dira. Hala ere, sailkapen orokorreko lehen postuetan goierritar gazte ugari ibili dira, hala nola, Jokin Etxabe bergararraren atzetik hurrenez hurren iritsi den hirukotea: Aitor Zunzunegi legorretarra, Beñat Katarain zegamarra, Gaizka Lasa legorretarra.
Goierri Trail Kopa
Proba hau Goierri Trail Kopako bigarren proba izan da. Lehenengoa urtarrilaren 22an Gaintzan jokatu zen eta bertan ere bikain aritu ziren gaurko lehenengo postuetako korrikalariak. Hala ere, Goierri Trail Kopako lehen proba luzea izan da, beraz, gaurko emaitzek osatu dute oraingoz txapelketa hontako sailkapen orokorra, modalitatea dela eta.
Hala ere, hurrengo hilabeteetan joango dira emaitza hauek mugitzen pixkanaka-pixkanaka, izan ere, txapelketak aurrera dirau eta aurki izango dituzte hurrengo hitzorduak korrikalariek. UZ Trail izango da Goierri Trail Kopako hurrengo proba, martxoaren 5ean izango dena, eta jarraian, martxoaren 18an Arriarango proba eta martxoaren 25ean Gabiriako Leharrei Mendi Lasterketa izango dituzte.
Sailkapena
- Emakumezkoen sailkapen orokorra:
- Irati Zubizarreta Armendariz
- Laiane Arrospide Garmendia
- Irantzu Chinchetru
- Gizonezkoen sailkapen orokorra:
- Martin Diez Vitro
- Jokin Etxabe Leturia
- Aitor Zunzunegi Tapia
- Senior emakumezkoak:
- Irati Zubizarreta Armendariz
- Laiane Arrospide Garmendia
- Rut Gil Orive
- Senior gizonezkoak:
- Martin Diez Vitro
- Jokin Etxabe Leturia
- Beñat Katarain Razkin
- 23 urtez azpiko emakumezkoak:
- Nerea Yurrebaso Irazustabarrena
- 23 urtez azpiko gizonezkoak:
- Aitor Zunzunegi Tapia
- Gaizka Lasa Berdegue
- Endika De las Heras, Fernandez
- Emakumezko beteranoak:
- Irantzu Chinchetru
- Edurne Arakistain Jauregi
- Mari Carmen Seijas Carballedo
- Gizonezko beteranoak:
- Mikel Pujana Conde
- Anartz Etxeberria Larraza
- Ignacio Leon Lopez
