Emakumeen binakako pilota txapelketako kanporaketak igandean Seguran
Emakumeen Binakako Master Laboral Kutxa txapelketaren kanporaketak jokatuko dira igande honetan Seguran. Norgehiagokak Baratze pilotalekuan izango dira, 11:00etan hasita.
Hiru kategoriatan jokatuko dituzte kanporaketak: pilota mistoa gazteak mailan Gomez eta Anitua, Uriarte eta Betegiren aurka arituko dira. Pilota mistoa 1. mailan, Beitia-Bergara, Barrokal-Oses-en aurka, eta pilota mistoa elite mailan Larrarte-Arrillaga, Arrizabalaga-Capellanen aurka.
Txapelketa jendetsuena
Emakumeen esku pilota txapelketarik parte hartzaileena da. Aurten 65 jokalari ari dira parte hartzen. Urtarrilaren 25ean hasi zen Murgian (Araba) eta Zarautzen jokatuko dira 1. maila eta eliteko finalak martxoaren 26an.
