Legorretako inauteriak ospatuko dituzte larunbatean
12:30ean txupinazoa botako dute gaztetxetik, festari hasiera emateko. Gauean kontzertuak izango dira gaztetxean.
Iazko Legorretako inauterietako txupinazoa.//Kerman Garralda Legorretan larunbatean ospatuko dituzte inauteriak. Goizetik hasita gauera arte, jai giroa izango da herrian. 12:30ean txupinazoa botako dute gaztetxetik inauteriei hasiera emateko, eta buruhandiak izango dira jarraian. 18:00etan jarraituko du egitarauak. Ordu horretan hasiko da mozorro desfile musikatua, Olasotik. Gauean, 23:00etatik aurrera eta eguna amaitzeko, kontzertuak izango dira gaztetxean. Herritarrak deitu dituzte mozorroak prestatu, elegante jarri eta Legorretako inauteriak ospatzera.
Kosmaikosin-ek emango du lehenengo kontzertua. Gorpuzkingz eta Gaz Limbo ohiek osatzen duten taldea da. Musika elektronikoaren ildotik, ‘Apotheke’ albuma kaleratu zuten iaz. Erritmo dantzagarriak eskainiko dituzte. Ondoren, DJ Nazaren txanda izango da.
