Loinaz jaietan haurren soka dantzan parte hartzeko izen ematea zabalik dago
Martxoaren 3a izango da izena emateko azkeneko eguna. Entseguak martxoaren 20an hasiko dira.
Beasaingo Loinaz jaietan haurren sokadantzan parte hartzeko izen ematea zabalik dago, martxoaren 3ra arte. Sokadantzan gehienez 40 haurrek parte hartuko dute; 20 neska eta 20 mutil.
Entseguak martxoaren 20an hasiko dira eta astelehenetik ostegunera (astelehena 17:30-18:30, asteartea 17:30-18:30, asteazkena 17:00-18:00, osteguna 17:30-18:30) egingo dira, Alkartasuna Lizeoa ikastetxean. Entseguetara, gutxienez astean bitan azaltzeko konpromisoa hartuko dute partaideek.
