Sutea izan da Beasaingo Arana kalean
Osasun zerbitzuek hainbat bizilagun artatu behar izan dituzte kearen ondorioz.
Sutea gertatu da Beasaingo Arana kaleko bosgarren zenbakiko etxebizitza batean. Lehenengo solairuan piztu da sua, eguerdi partean, etxebizitza hutsik zegoela, eta bizilagunek eman dute abisua. Larrialdi zerbitzuak berehala inguratu dira eta hainbat bizilagun artatu behar izan dituzte keagatik. Momentu honetan sua itzalita dago baina ezbeharraren tokian jarraitzen dute suhiltzaileek.
