Legorretako istripuan hirugarren lagun bat hil da
Igandeko ordu txikietan jazo zen istripua. Unean bertan hil zen lehen biktima, eta ordu batzuk geroago bigarrena. Hiru lagun ospitalera eraman zituzten, eta han hil da hirugarrena
Hirugarren lagun bat hil da asteburuan Legorreta parean gertatu zen istripuaren ondorioz, Segurtasun sailak jakinarazi duenez. Ezbeharra igande gauerdian gertatu zen, N-1 errepidean, Gasteizerako noranzkoan. Bi autok aurrez aurre egin zuten talka, oraindik argitu gabe dauden zergatiak medio ibilgailuetako bat kontrako noranzkoan sartu baitzen autopistara.
Azken hildakoa 31 urteko gizonezko bat da. Noranzko okerrean zihoan ibilgailuko bidaiarietako bat da. Beste biktima bat istripuan bertan hil zen eta hirugarrena, ordu gutxitara. Goierritarrak ziren lehen bi hildakoak.
