Gainzuri ikastetxeko haurrek beraien amak eta amonak omendu dituzte
Gainzuri ikastetxeko haurrek Zaretelako gara ekimena egin dute, martxoaren 8a dela eta. Ikastetxe azpian, Urretxuko Gernikako Arbola eta Iparragirre plazetan eta Zumarragako Euskadi plazan horma-irudiak jarri dituzte. Horma-irudi horietan ikasleentzat garrantzitsuak diren emakumeen argazkiak ageri dira. Bakoitzak emakume bat aukeratu du eta zergatik den garrantzitsua azaldu du. Gehienek amak eta amonak aukeratu dituzte; baina ahizpak, arrebak, lagunak eta emakume ezagunak ere ageri dira.
