Zaldibiako mendi lasterketan izena emateko epea gaur irekiko dute
Zaldibiako IV. Mendi Lasterketa maiatzaren 27an jokatuko da. Bi ibilbide izango dira: 28 kilometro eta 1.950 metro desnibeleko luzea, eta 15 kilometroko eta 1.000ko desnibeleko motza. Goierriko Kopa sailkapenerako puntuagarriak dira biak. Ausa Gaztelu Mendi Klubak gaur 20:00etan zabalduko du izena emateko epea, maiatzaren 20ko gauerdira arte, rockthesport.com webgunean. Luzeko inskripzioa 33 euro da, motzekoa 18 euro.
