Mendi irteera, jolasekin, Agarre aldean
Iturri Txiki Guraso Elkarteak mendi irteera eta jolasak antolatu ditu larunbaterako. 10:00etan elkartuko dira, Itsasondoko plazan. Taldetan banatuta, pistak topatu beharko dituzte.
Iturri Txiki Guraso Elkarteak mendi irteera antolatu du larunbaterako. Agerre aldera prestatu dute ibilaldia. Mendi irteerarekin batera, ibilaldia egiten duten bitartean, pistak topatzen joango dira parte hartzaileak. Ginkana moduko bat izango da. 10:00etan elkartuko dira plazan. Bertan taldeak egingo dituzte, eta talde bakoitzari mapa bat emango zaio, ibilbidean gordeta dauden pistak bilatzeko. Bost pista aurkitu beharko ditu talde bakoitzak.
Horiek jaso, eta plazara itzuli beharko dira. Plazan, hamaiketakoa egingo dute, bakoitzak etxetik eramandakoarekin. Ondoren, plazan bertan, jolasak egingo dituzte.
