Legoreggae festibala larunbatean izango da, sei reggae talderekin
Legoreggae reggae festibala larunbatean izango da, Harripila kiroldegian. Hilabete hasieran antolakuntzak zehaztu zuen bezala, sei talde edo artista ariko dira taula gainean giroa jartzen. Scarra Mucci abeslari jamaikarra izango da aurtengo kartelburua.
Sarrerak eventbrite.com webgunean erosi daitezke, edo Legorretako Ezkizu, Jubilatuen, Olaso eta Insausti tabernetan, Ordiziako Kirkil tabernan, Beasaingo Koiote Zaharrean edo Tolosako The Nest tabernan, 15 euroan.
Scarra Mucciz gain, Marina P eta King Konsul artistek eta Kulto Kultibo, Steady Rockets eta Aiaraldeko Sound System taldeek joko dute festibalean. 22:00etan hasiko da, baina herrian giroa izango da arratsaldetik, 18:30ean Aiaraldeko Sound System-ekoak kalejira egingo baitute. Festa itxiera ere haien esku egongo da.
