Ezkio-Itsasoko herri eskolak festa eguna izango du etzi
Ezkio-Itsasoko herri eskolak 2017an egin zuen lehendabiziko festa eguna. ARGAZKIA: Aimar Maiz Ezkio-Itsasoko herri eskolak festa eguna antolatu du larunbat honetarako. Egun osoko egitaraua prestatu dute eskolako ikasleei zein haien familiei zuzenduta. Zehaztu gabeko hainbat emanaldi izango dituzte 12:00etan hasita. Bazkaria izango dute ondoren, 14:00etan. Bazkarirako txartelak eskolan bertan daude salgai 20 eurotan helduentzat eta 10 eurotan haurrentzat.
Beldurrezko jolasak
Bazkalostean euskal kantu bingoa eta euskal karaokea izango dira haur zein helduentzat, baita Igartubeiti sorgindua makillaje tailerra ere. Horrekin lotuta eta «beldur pixka bat pasatu nahi duenarentzat», 16:30etik 18:00etara eskolan egingo duten «ibilbide zirraragarrian», Maurixa eta Graxenta berpizteko jolasa ere antolatu dute.
