Xabin Fernandez legorretarra 'Hitzetik Hortzera' saioan
Aktore eta gidoilari legorretarrarekin egindako elkarrizketa larunbatean emango dute, 21:00etan. Legorretan grabatutako 'Tabuen kutxatik oholtzara' bertso-saio musikatua ere saio berean emitituko dute.
Xabin Fernandez Zubeldia aktore, gidoilari eta kazetari legorretarra izango da aste honetan Hitzetik Hortzera saioko elkarrizketatua. Saio berean emango dute joan den igandean Legorretan grabatutako Tabuen kutxatik oholtzara bertso-saio musikatua. Larunbatean emango dute, 21:00etan.
Martxoaren 11n estreinatu zuten Xabin Fernandez eta Intza Alkainek Kanpora sartzen antzezlana. Fernandez bera da obraren sortzaile, gidoilari eta protagonistetako bat. Duela hamar urte jakin zuen seropositiboa zela, eta hamar urteotan bizitakoa laburbiltzen saiatu da.
