Laburbira zirkuitu ibiltaria Ordiziara iritsiko da bihar
Zazpi film labur eskainiko dituzte, 19:30ean, Herri Antzokian: 'Muskil', 'Olatuen isiltasuna', 'Irrits', 'Erlojupekoa', 'Hitzak', 'Asko falta da?' eta 'Koadro goriari heldu'.
Laburbira euskarazko film laburren zirkuitu ibiltariaren XX. edizioak Ordizian egingo du geldialdia bihar, Hitzaro euskara elkartearen eskutik. Zazpi film laburrez osatutako bilduma eskainiko dute, Herri Antzokian, 19:30ean. ‘Muskil’, ‘Olatuen isiltasuna’, ‘Irrits’, ‘Erlojupekoa’, ‘Hitzak’, ‘Asko falta da?’ eta ‘Koadro goriari heldu’ film laburrek osatzen dute aurtengo proposamena.
