Lidergo konpartitua duen Izalberri aurkeztu dute
«Herrigintza udaletik egiteko ardura hartu duten herritarrak» direla aurreratu dute, «idiazabaldarrak ordezkatuz» lan egingo dutenak.
Idiazabalgo Izalberri taldeak udal hauteskundeetarako lan taldea osatu du. «Herrigintza udaletik egiteko ardura hartu duten herritarrak» direla aurreratu dute, «idiazabaldarrak ordezkatuz» lan egingo dutenak. Lehenengo lau hautagaien artean —Patxi Mujika, Mikel Mujika, Aitziber Aizpuru eta Koldo Bolinaga— lidergo konpartitua izango duen taldea da. Igor Ariztimuño, Asier Oiarbide, Argoitz Maskariano, Loinaz Garmendia, Iker Zabaleta, Erkuden Murua eta David Diegok osatzen dute zerrenda. Montse Delgado, Jordi Barreda eta Izaskun Gomez ordezko bezala aurkeztuko dira.
