Ormaiztegiko eskubaloi taldearen agurreko bideoa
Ormaiztegiko Kirol Elkarteko eskubaloi taldeak bart jokatu du etxeko azken partida Zubipe kiroldegian Bergararen aurka. Ekitaldi xume batekin eta taldeko argazkia ateraz agurtu dituzte zaleak. Albiste barruan, Gotzon Aranbururen bideoa eta Angel Elortzaren argazkiak.
Ormaiztegiko eskubaloi taldekoak, bart, Zubipe kiroldegian ateratako taldeko argazkian. // Argazkia: Angel Elortza Eta bukatu da. Ormaiztegi Kirol Elkarteko eskubaloi taldeak bart jokatu du etxeko azken partida Zubipe kiroldegia Bergararen aurka, 45 urteren ondoren. Lehia borrokatua izan zen, eta gol batengatik galdu zuten etxekoek. Ez da izan hala ere azken norgehiagoka, liga datorren astean amaituko baitute Legazpin.
Zale ugari elkartu da taldea agurtzera, eta bukaeran esker ekitaldi xume bat egin dute udalak antolatuta. Jokalari guztiei oroigarri bana eman diete, eta urte askoan entrenatzaile izandako Anbrosio Apaolatzari txapela jantzi dio Jon Enrike alkateak. Hark, trukean, taldearen elastikoa eman dio opari.
Bideoa: Gotzon Aranburu
Argazkiak: Angel Elortza
