Herriarteko pilota txapelketaren itzuliko partidak gaur jokatuko dituzte Goierriko taldeek
Esku-huska, Ataun Zumarragaren aurretik da (2-1), Zaldibia hiru partidak galdua da Oiartzunen aurka (0-3) eta Andoain Idiazabali nagusitu zitzaion (2-1). Larruzko paletan eta pala motzean, Donostiak mendean hartua du Ordizia (0-2), eta gomazko paletan aurretik du Oiartzunek Zumarraga (2-1).
Ataungo Herriarteko txapelketako 2023ko taldea. Gaur arrats-iluntzean jokatuko dira Gipuzkoako Herriarteko Pilota Txapelketaren itzuliko partidak. Aurreko ostiral-larunbatean izan ziren joanekoak.
Esku-huska, Ataunen eta Zumarragaren arteko derbia jokatu zen (1-2 nagusitu ziren lehenak Belokin). Oiartzunek Zaldibiari hiru partidak irabazi zizkion Restin, eta Andoainek bi Idiazabali Igarondon.
Larruzko paletan eta pala motzean, Ordiziak bi partidak galdu zituen Beti-Alain Donostiaren kontra, eta Oiartzun hirutik bitan nagusitu zitzaion Zumarragari gomazko paletan.
ESKUZ. FINAL-ZORTZIRENAK (ITZULIKOAK)
Maiatzak 19, ostirala
- 18:00. Oiartzun-Zaldibia (3-0). Madalensoro pilotalekua
- 19:00. Ataun-Zumaraga (2-1). Auzoetako pilotalekua
- 19:45. Andoain-Idiazabal (2-1). Arrate pilotalekua
PALETA LARRUZ-PALA MOTZEAN. FINAL-LAURDENAK (ITZULIKOAK)
Maiatzak 19, ostirala
- 19:15. Donostia-Ordizia (2-0). Altzako pilotalekua
GOMAZKO PALETA. FINAL-ZORTZIRENAK (ITZULIKOAK)
Maiatzak 19, ostirala
- 21:00. Zumarraga-Oiartzun (1-2). Beloki pilotalekua
