Kuadrillen arteko 40. saskibaloi txapelketako izen-ematea irekita dago
Iaz berriz jarri zuten martxan, aurreko bi urteetako etenaldiaren ondoren. Ze Koinok irabazi zuen finala. Ekainaren 12an hasiko da aurtengoa.
Ordiziako 40. kuadrillen arteko saskibaloi txapelketan izena emateko epea irekita dago. Doakoa da inskripzioa, eta Majori Kiroldegian, Amonane tabernan edo Urdin tabernan egin daiteke aurrez aurre. Online ere egin daiteke, ordiziasaski@gmail.com helbide elektronikora idatzita, taldearen izena, arduradun bat eta telefono bat adieraziz. Ekainaren 6a izango da izena emateko azken eguna, eta partiden zozketa ekainaren 8an egingo dute, 18:00etan, Barrenan.
Ekainaren 12an hasiko da hala kuadrillen arteko saskibaloi txapelketaren 40. edizioa. Ordiziako Santa Ana festen atarian amaituko da, uztailaren 20an.
