Play off-etako final laurdenetako partida jokatuko du Ampo Ordiziak igandean
VRAC Quesos Entrepinaresen aurka, aurkarien zelaian jokatuko dute final laurdenetako partida, 12:30ean. Liga erregularreko lehen postuan sailkatu dira Valladolidekoak, eta zortzigarren postuan Ordiziakoak.
Ampo Ordiziaren eta VRAC Quesos Entrepinaresen arteko partida bat Altamiran.Maider Insausti. Ampo Ordiziak partida garrantzitsua jokatuko du igandean Valladoliden. VRAC Quesos Entrepinares taldearen aurka, ligako titulua eskuratzeko bidean, play off-etako final laurdenetakoa jokatuko du, 12:30ean. Partida bakarrera erabakiko dira ligako final laurdenak, final erdiak eta final handia, hiru jardunalditan. Ligako fase erregularreko lehenengo postuan sailkatu da Valladolideko taldea. Ordiziakoak, aldiz, zortzigarren geratu dira sailkapen orokorrean, bigarren multzoko bigarren postuan, alegia.
Partida zaila izango dute aurretik goierritarrek. Lehen itzulian, otsailean, Altamiran jokatu zuten bi taldeek, eta 10-35 bukatu zen, Valladolidekoen alde. Garaipena beharko dute play off-etan aurrera egiteko. Ezustekoa emango balute, finalerdia jokatuko lukete hilaren 28ko asteburuan. Ligako final handia, berriz, ekainaren 4an izango da, bi talde onenen artean.
