Xabier Zalduak binakako euskal pentatloi txapelketan parte hartuko du igandean
Xabier Zalduak binakako euskal pentatloi txapelketan parte hartuko du igandean. 18:00etan izango da, Tolosako zezen plazan. ETB1ek zuzenean emango du.
Lehenengo emakumezkoak arituko dira eta ondoren gizonezkoak. Xabier Zaldua, Aratz Mugertzarekin arituko da. Andoni Iruretagoiena-Xabat Olaizola, Ioritz Gisasola-Jon Gisasola, Julen Gabirondo-Beñat Telleria, Aritz Irazabal-Benat Amade eta Julen Kañamares-Jagoba Otaegi bikoteekin neurtuko dituzte indarrak.
100 kiloko bolarekin 40 jasoaldi egingo dituzte, 400 kiloko harriarekin lau plaza, aizkoran lau kanaerdiko, 50 kiloko txingekin zortzi plaza eta 4 kilometro korrika.
