Ezkiagan sanpedroak ospatuko dituzte
Beasaingo Ezkiaga auzoan jaiak ospatuko dituzte datorren astean. San Pedroak ospatuko dituzte, zehazki
Beasaingo Ezkiaga auzoan jaiak ospatuko dituzte datorren astean. San Pedroak ospatuko dituzte, zehazki.
Ostegunean izango da San Pedro eguna, ekainaren 29a. Bezperan hasiko da festa Ezkiagan, halere. Goizeresiko txistulariek saioa egingo dute 19:30ean. San Pedro sua piztuko dute 22:30ean.
Ostegunean haurrak izango dira festaren ardatz. 17:00etatik haurrera jolasak izango dituzte. Merienda egingo dute 18:30ean, indarrak errekuperatzeko. Helduek ere izango dute zer jan eta edan, pintxopote «berezia» antolatu dutelako 19:00etatik aurrera. DJ Andonaik girotuko du festa.
Ostiralean amaituko dira festak. Buruhandiak izango dira aurrena, 17:00etan. Herri kirol erakustaldia egingo dute ordubete geroago. Eta Sheldon Brothers taldeak kontzertua eskainiko du 20:00etan, festak borobiltzeko.
