San Pedro festetako otorduetarako sarrerak asteburuan erosi behar dira
Arriarango sanpedroetako ekintza nagusiak auzo bazkaria eta afaria izango dira. Sarrerak lortu behar dira, Intxaurpe elkartean
Beasaingo Arriaran auzoan jaiak ospatuko dituzte datorren astean. San Pedroak ospatuko dituzte, zehazki. Baina utzilaren 1ean egingo dute festa, ez ekainaren 29an. Eguneko egitaraua antolatu du Intxaurpe elkarteak.
Txistularien dianarekin hasiko dute eguna, 10:00etan. 11:00etan meza egingo dute eta, ondoren, mokadutxoa. Herri kirol erakustaldia ere izango da 13:00etatik aurrera.
Auzo bazkaria izango da ekintza nagusia. Sarrerak erosi behar dira Intxaurpe elkartean, astelehena baino lehen. Helduek 50 euro ordaindu beharko dute eta haurrek, 15 euro. Bazkalostean puntu eta mus txapelketak egingo dituzte. Haurrentzako jolasak ere izango dira.
Arriantxo erreko dute 20:30ean. Afaria egingo dute segidan. Honako ere tiketak erosi behar dira, bazkarirako bezala. 20 euroko prezioa dute, halere. Egun osoan Dani Oiarbide eta Pello Urdangarin trikitilariak jo eta jo arituko dira.
