Nahia Garrido Europako Txapelketako finalerdietara sailkatu da
Nahia Garrido igerilari urretxuarra gazte mailako Europako Txapelketan parte hartzen ari da, Belgradon (Serbia). Gaur bere proba kuttunean igeri egin du: bizkar igeriketako 200 metroko proba. Finalerdietara sailkatu da. Finalerdiak arratsaldean izango dira. Ez du lan erraza izango, bera baino bi urte zaharragoak direnekin arituko baita. Garridok Euskadiko marka du (2:13:18): Europako Txapelketako parte hartzaileen artean, seigarren marka onena.
