Altamirako festak datoz asteburuan
Bihartik igandera festa giroan murgilduko dira auzotarrak. Larunbatean dantza lehiaketa izango da Txola tabernan. Txosnan ogitartekoak eta hanburgesak jarriko dituzte salgai.
Iritsi dira Altamira auzoko festak. Bihar, 17:00etan, txupinazoa botata ekingo diete auzotarrek aurtengo festei. Auzotarrek, tabernekin eta komertzioekin elkarlanean osatzen dute jai batzordea, eta aurten ere hiru eguneko egitarau zabala prestatu dute, haurrentzako zein helduentzako jarduerekin.
Apar festarako eta holly party-etarako kamixeta zuria eta uretako betaurrekoak eramatea gomendatu dute. Larunbatean mozorro eguna izango da, eta lehiaketarako Pelikulak gaia aukeratu dute. Gauean, DJ gaua egingo da, Xabeat DJa eta NOJ Dj-arekin. Txosna egongo da. Edariaz gain, ogitartekoak eta hanburgesak jarriko dituzte salgai. Aurtengo festetako kamisetaren logoa Naya Egurrek diseinatu du.
Dantza lehiaketa
Txola tabernak dantza lehiaketa antolatu du jaien harira. Larunbatean izango da, eta sariak banatuko dizkiete irabazleei. Irabazleak 100 euroko saria jasoko du, bigarrenak 50 euro, eta hirugarrenak produktu ezberdinen saski bat. Reggaeton, salsa, bachata, merenge… estilo ezberdinak dantzatzeko aukera izango dute parte hartzaileek. Izena emateko 943 25 35 32 telefono zenbakira deitu behar da.
UZTAILAK 14, OSTIRALA
- 17:00. Txupinazoa. Jarraian, apar festa eta holly party.
- 18:00. XI. futbolin lehiaketa.
- 20:00. Buruhandi eta erraldoiak trikitilariekin.
- 20:30. Jubilatuentzako luntx-a Alai tabernan eta Mariatxi Dominguez.
- 22:00. Orkesta elektrotuna.
- 01:00. Poteo musikatua.
UZTAILAK 15, LARUNBATA
- 10:00. Umeentzako krosa.
- 11:00. Marrazki lehiaketa.
- 12:00. Joko herrikoiak eta Errumaniako jakien dastaketa.
- 16:30. Mus herrikoia Zortziko tabernan.
- 18:00. Bingo trabestia.
- 20:00. Buruhandi eta erraldoiak trikitilariekin.
- 22:00. Lokomotores elektrotxaranga.
- 23:00. Mozorro lehiaketa.
- 00:30. DJ gaua.
UZTAILAK 16, IGANDEA
- 12:00. ‘Marta’ umeentzako tailerra.
- 16:00. Toka lehiaketa.
- 17:30. Apar festa eta holly party.
- 18:30. Alex Rabanal lazkaotarraren bakarrizketa.
- 20:30. Sardinaren hileta.
