Zaldibiako Txamarretxen festa dute larunbatean
Zaldibiako Goiztiri txarangaren partaidetza izango da Txamarretxeko festetako berritasuneko bat. // Argazkia: Iñaki Gurrutxaga Larunbat arrats-gauean ospatuko dute Zaldibiako Txamarretxe auzoko urteroko jai eguna. Iztueta dantza taldeak emanaldia egingo du 18:30ean, dantza maisu eta dibulgatzailearen jaiotetxearen inguruan. Toka txapelketa 19:00etan hasiko da, eta izena ordu erdi bat lehenagotik eman behar da.
Arrese jatetxeak ardoa banatuko du, eta Larrarte sagardotegiak sagardoa jarriko du. Goiztiri txarangak alaituko du kaleko giroa, eta 20:30ean Aitor Mendiluze eta Agin Laburu bertsolariak hasiko dira kantuan. 21:00etan, afaria Arresenean da, eta Elustondo trikitilariek musikatuko dute gaueko erromeria.
