Zaldibiako II. Zubiblok topaketa gaur egingo dute azkenean
Biharko eguraldi iragarpenak euria datorrela diotenez, II. Zubiblok topaketa gaur arratsaldean egitea erabaki dute antolatzaileek. 16:00etatik 20:00ak arte izango da, eta adin tarte guztietako eskalada zaletuek elkarrekin eskalatzeko aukera izango dute.
“Badakigu batzuentzat ezinezkoa izango dela, baina horrelako ekintza bat egun bero batean egitea garrantzitsua dela uste dugu, errekako ur freskoa kontuan izanda”, adierazi dute.
Biharko iragarrita zeuden barra zerbitzua eta musika jarriko dute gaur iluntzera arte. “Parte hartzera edo garagardo batekin ikuskizunarekin gozatzera animatzeko deia egiten dizuegu”.
