Arma mordoa aurkitu dute Urretxuko etxebizitza batean
Atzo Urretxuko etxe orratzeko bizilagun batek Ertzaintzari deitu zion etxebizitza batetik usaina ateratzen zelako. Bertaratu zirenean traste pila eta armak aurkitu zituzten. Pertsona horrek Diogenesen sindromea du eta bi garajetan ere traste pila zuen.
Bizilagunak trasteak pilatzen zituen pertsonarengatik kezkatuta deitu zuen, baina usaina usteldutako oilasko batena da. Trasteak pilatu zituen bizilaguna ostiraletik ospitalean dago.
Ertzaintza armak aztertzen ari da, suzkoak diren edo ez jakiteko.
