Oianguko IX. Astronomia Gaua irailaren 23an izango da
Aranzadi Zientzia Elkartearen eskutik, bi jarduera egingo dira: konstelazio garrantzitsuenak ezagutzeko tailerra eta gaueko behaketa. Tailerrerako izena eman behar da.
Oianguko IX. Astronomia Gaua irailaren 23an izango da. Aranzadi Zientzia Elkartearen eskutik, bi jarduera egingo dira: tailerra eta gaueko behaketa. 18:00etatik 19:30era, Zerua, aintzinako APP-a tailerra eskainiko da. Izena eman behar dute parte hartu nahi dutenek. Konstelazio garrantzitsuenak ezagutu eta espazioan zein denboran orientatzen ikasiko dute partaideek tailerrean. 20:30etik 22:00etara, berriz, gaueko behaketa egingo da. Ez da beharrezkoa izenik ematea behaketarako.
Bi jarduerak doakoak dira. Eguraldi txarra egiten badu, bertan behera geratuko da Astronomia Gaua.
