Istripua izan du kamioi batek Ordiziako sarreran
Kamioia 2,80 metroko altuera duen tuneletik pasa da eta garaiagoa zenez, atzeko zatia hautsi zaio. Trafikoa bideratzen ari dira udaltzainak.
Ordiziara San Juan auzotik sartzeko sarbidean istripua izan du kamioi batek. Kamioia 2,80 metroko altuera duen tuneletik (trenbide azpitik) pasa da, eta kamioia bera garaiagoa zenez, atzeko zatia puskatu zaio eta errepidean erorita geratu da. Udaltzainak trafikoa bideratzen ari dira. Behin baino gehiagotan izan dute istripua eremu horretan 2,80 metro baino gehiago duten garraioek.
