Karabanako ‘escape room’ jolasa jarriko dute Olaberrian
Ihes gela edo escape room ibiltaria ekarriko dute Olaberriara, hiru egunetarako. Ostiralean, larunbatean eta igandean egongo da. Ordubeteko saioan, atoi batean atondutako aretoan galderak, asmakizunak eta misteriozko jolasak gainditu beharko dira. 16 urtetik gorakoentzat aholkatuta dago; hamar urtetik aurrerakoak, heldu batekin. Sarrera doan da, baina aldez aurretik lacaravanaescaperoom.com webgunean erreserbak hartu behar dira.
