'Zure platerean hasten da mundua' dokumentala, ostegunean
Solasaldia eta mokadutxoa ere egongo dira. XIV. Hamabostaldi ekologikoaren baitan antolatutako ekitaldia izango da.
Goierriko XIV. Hamabostaldi ekologikoa ari da ospatzen urriaren 7a bitartean, eta etzi, hilak 28, Zure platerean hasten da mundua dokumentala ikusteko aukera egongo da 19:00etan. Zopazokaren ondoren izango da ikustaldia, eta solasaldi bat ere egingo dute. Herriko plazan izango da -Txanbolinpen-, eta «mokadutxo» bat ere prestatu dute antolatzaileek bertaratzen diren guztientzat.
