Helduentzako plaza dantzen ikastaroa antolatu du Ostadar dantza taldeak
Astelehenean, urriak 2, izango da ikasturteko lehenengo saioa.
Inauterietako kalejira. // Ariane Vierbücher 2023-2024 ikasturtea hastearekin batera, Beasaingo Ostadar Dantza Taldeak aurreko ikasturteetan harrera ona izan duten plaza dantzen ikastaroei jarraipena egitea erabaki du, aurtengoan ere deialdi berri bat eginez. Ikastaro hau, astelehenetan izango da, 19:00etatik 20:00etara. Datorren astelehenean, urriak 2, egingo dute lehenengo saioa. Izena emateko epemugarik ez da egongo. Hala ere, ikastaldea hobeto antolatu ahal izateko, ikastaroa hasi aurretik apuntatzea eskatu dute.
Ikastaroaren helburu nagusia plaza dantza edo erromerietako dantza gisa ezagutzen diren koreografiak irakastea izango da, hauei buruzko azalpenak ematearekin batera.
Ikastarora apuntatzeko interesa duenak, ondorengo bideak jarraiki egin dezake: ostadartdt@gmail.com epostara idatzita; 695 737 400 edo 635 731 166 telefonoetara deituta edo WhatsAppez mezua bidalita; edo, dantza taldearen sare sozialen bidez (Facebook edo Instagram).
