Haurrentzako errelebo lasterketan 850 korrikalarik baino gehiagok parte hartuko dute
Hamalau ikastetxetako 213 taldek eman dute izena. 09:00etan izango dira lehenengo lasterketak.
Errelebo lasterketa, iaz. // Asier Zaldua Beasaingo 12. errelebo lasterketa antolatu du Bealak taldeak, larunbaterako. Eskola kiroleko lehenengo proba izango da eta Igartzan jokatuko da, alebin mutil (09:00etan), alebin neska (10:15ean), benjamin neska (11:30ean) eta benjamin mutil (12:30) mailetan. Benetan jendetsua izango da jardunaldia; 14 ikastetxek, 213 taldek eta 850 lasterkarik baino gehiagok parte hartuko dute.
