Berokuntza sistema egokiena zein den ezagutzeko tailerra
Gipuzkoako Foru Aldundiaren Jasangarritasun departamentuak, Urretxuko Udalarekin elkarlanean, etxebizitza bakoitzerako berokuntza sistema egokiena zein den ezagutzeko tailerra antolatu du. Urriaren 18an egingo dute, 18:30ean, Urretxuko kultur etxean.
Nahiz eta aldian-aldian berokuntza sistema jakin bat modan jartzen den, sistema eraginkorrena zein den jakiteko, hainbat alderdi aztertu behar dira: etxebizitza mota, dagoeneko bertan instalatuta dauden aparatu eta hodiak, etxebizitzaren erabilera…
Tailer honetan parte hartu nahi duten bizilagunek hilaren 13a baino lehen eman behar dute izena. Horretarako, argitu@gipuzkoa.eus posta elektroniko helbidera idatzi behar dute edo 605 757 687 telefono zenbakira deitu (astelehenetik ostiralera, 09:00etatik 18:00etara).
Aldundiak Energia Argitu programaren baitan antolatu du tailer hau. Udazken honetan energia berriztagarriei eta komunitate energetikoei buruzko tailerrak ere egingo ditu, besteak beste.
