Balu eta Jon Maia elkarlanean
Maiaren 'Kantu berri bat gara' liburu-diskoaren azala Sestaoko ACBko hormetan margotu du Ormaiztegin jaiotako artistak.
Jon Maia eta Balu, atzo, Sestaon marraztutako horma-irudia atzean dutela. Balu kaleko artista ormaiztegiarra eta Jon Maia urretxuar jatorriko bertsolari eta idazle zumaiarra elkarlanean aritu dira egunotan. Maiak Kantu berri bat gara liburu-diskoa ondu du, eta azala Baluk egin du.
Atzo eta herenegun artean azal hori Sestaoko ACBko hormetan marraztu du ormaiztegiarrak. “Ezpeldoiko Bereterretxeren oroitarritik abiatu eta Sestaoko euskaldunetaraino garamatzan kontzeptua: Lauaxeta, Gernika, Negu gorriak, Laboa, Frantziako Iraultza, haurtzaroa…”, idatzi du X sare sozialean Maiak.
Elkarlan zuzena izan ez bazen ere, 2021eko ekainean Maiaren Euskara bat da olerkiaren horma-irudia egin zuen Baluk Zeraingo Harizti-Erdi aterpetxeko horma batean.
Sestaoko ACBko hormetan jarri dugu #kantuberribatgara liburu- diskoaren azala, Baluk egina. Ezpeldoiko Bereterretxeren oroitarritik abiatu eta Sestaoko euskaldunetaraino garamatzan kontzeptua: Lauaxeta, Gernika, Negu gorriak, Laboa, Frantziako Iraultza, haurtzaroa… @elkar pic.twitter.com/fKlScn0QxN
— Jon Maia Soria (@maia_jon) October 17, 2023
