Hizkuntza eskubideak hizpide, bihar, Barrenan
Agurne Gaubeka Hizkuntza Eskubideen Behatokiko zuzendaria izango da hizlaria. 18:30ean hasiko da.
Hitzaro euskara elkarteak, Ordiziako Udalarekin eta Hizkuntz Eskubideen Behatokiarekin elkarlanean, Herritarren hizkuntza eskubideak auzitan izeneko hitzaldia antolatu du biharko. Barrenan izango da, 18:30ean. Agurne Gaubeka Erauskin Hizkuntz Eskubideen Behatokiko zuzendaria izango da hizlaria. Hizkuntza eskubideen urraketen aurrean euskaraz bizi nahi duten herritarrei oztopoak gainditzeko gakoak emango dizkie.
