Lurra dantza taldearen garagardo festa, asteburuan
Asteburuan Lurra dantza taldearen garagardo festa egingo dute Urretxuko Ederrena pilotalekuan. Festa ostiralean, larunbatean eta igandean egingo dute. Ostiralean 19:00etatik goizaldera arte, larunbatean 13:00etatik goizaldera arte (bazkaria trikitilariek girotuko dute) eta igandean 18:00etatik 20:00etara.
Ukondoa, saltxitxak, patatak, Saxoniako solomoa eta pizzak jateko aukera egongo da, besteak beste. Eta garagardoa edateko aukera, noski. 17 garagardo ezberdin eskainiko dituzte. Tartean, alkoholik gabekoa eta glutenik gabekoa. QR kodigo bat egongo da, beharrezko informazio guztiarekin.
Horretaz gain, Muevete por los que no pueden elkartearen aldeko zozketa baterako txartelak salduko dira, Bi-Tartean elkartearen laguntzarekin. Gainera, Kabia eta Gabiriko Ostatua jatetxeek oparitutako afariak zozkatuko dituzte.
