Itsason auzolana egingo dute bihar
Taldeka egingo dute auzolana herria txukun mantentzeko.
Bihar udazkeneko auzolana egingo dute Itsason, 14:30ean. Taldeka antolatuko dira: batzuk intxaurrondoak botako dituzte, beste batzuk su egurra egingo dute, eskailera mailak konponduko dituzte beste batzuk eta lorategiak ere atonduko dituzte, besteak beste.
Nahiz eta arduradunek parte hartzaileentzat material guztia prestatuta eramango duten, partaide bakoitzak bere eskularruak eraman beharko ditu.
Amaieran, 19:00etan, parte hartzaile guztiek Itsasoko ostatuan afariaz gozatzeko aukera izango dute.
