Inoiz taldean parte hartu dutenei dei egin diete Ordiziako Txistulariek
Ordiziako Txistulariek 50. urteurrena ospatzen dute aurten. Santa Zezilian elkarrekin kalejiran ateratzeko deia egin diete kide ohiei, eta ondoren, Tximista sagardotegian bazkalduko dute. Urriaren 31 baino lehen eman behar da izena.
Ordiziako Txistulariak Santa Ana festetan, artxiboko irudi batean.//Argazkia: Maider Insausti 
Ordiziako Txistulariek 50 urte betetzen dituzte aurten eta ospakizun ezberdinak egingo dituzte urtemugaren harira. Inoiz taldean parte hartu dutenei dei egin diete, 50. urteurrena elkarrekin ospatzeko. Santa Zezilia egunean, azaroaren 25ean, kalejiran ateratzeko deitu dituzte kide ohiak, eta ondoren, bazkaria izango da Tximista Sagardotegian. Parte hartzeko asmoa dutenek 665 70 28 66/669 63 08 23 zenbakietara deitu edo ordiziakotxistulariak@gmail.com helbide elektronikora idatzi behar dute, urriaren 31 baino lehen.
