Gabirian Gau Beltza ospatuko dute gaur arratsean
Gabiriako lehenengo Gau Beltza ospatuko da gaur, asteartea. Santu Guztien bezperan, Arimen Gaua deritzoneko ohitura zaharrak berreskuratuko dituzte. Lanketa bat egin dute aurrez herrian, Josu Ozaita antropologoaren hitzaldia antolatuta edota haurrek kalabazak husteko eta apaintzeko eskulan mintegia eginda, adibidez.
Gaur, Gabiriako I. Gau Beltza 18:00etan hasiko da, herriko plazan. Gaztainak erre eta banatuko dituzte, eta ibilbide beldurgarria antolatuko dute, kalabaza hustuak eta barrutik argituak jarrita. Herritarrak mozorrotuta joan dira, beldurra emateko moduan: kapelak, aurpegia eta betertzak margotuta… Pintxo pote berezia ere egingo dute.
