'Topa, zuongatik!'
ZUbertsotan bertso eskolak martxan jarritako katearen barruan, hona Joanes Jakak jarritako 'Topa, zuongatik!' bertso sorta.
Soinu erreproduzigailua
- Egilea: Joanes Jaka
- Gaia: Topa, zuongatik!
- Doinua: Xxxxxxxx
Loreak txukun jarri
ta piztu kandela
hildakoen omenez
erritu fidela
ixiltasunez batzuk
kantuan bestela
itsasoko kresala
mendiko orbela
bakoitzak egin beza
nahi duen bezelaNahiz egunero jasan
beraien galera
joan direnak oroituz
elkartu ohi gera
momentu goxo haiek
sentituz atzera
irrifar bat datorkit
ezpainen ertzera
malko bat masailean
sentituz bateraPresaka bizi gera
denboran saltoka
egutegiak gauzka
erabat itota
ardo gorri nafarraz
beteko dut kopa
urtea igarotzea
ez dut itxoingo ta
zuon alde berriro
egiteko topa!
