Gazteen hizkuntza-ohiturez eta oztopoez ariko da Amets Aranguren ostegunean, Barrenan
'Gazteek zer diote euskaraz?' hitzaldia egingo du Euskalgintzaren Kontseiluko proiektuburuak, 18:30ean.
Idurre Eskisabel Euskalgintzaren Kontseiluko idazkari nagusia eta Amets Aranguren Euskalgintzaren Kontseiluko proiektuburua. // Euskalgintzaren Kontseilua Hitzaro euskara elkarteak antolatuta, ‘Gazteek zer diote euskaraz?’ hitzaldia egingo du Amets Aranguren Euskalgintzaren Kontseiluko proiektuburuak ostegunean, Ordiziako Barrena kultur etxean. Gazteek hizkuntza-ohituren inguruan duten iritziaz, egunerokotasunean presente dituzten hizkuntzez, oztopoez, oztopoak gainditzeko ardurez, aldaketez eta erronkez hitz egingo du. 18:30ean hasiko da.
