Jubilatuen eguneko bazkarian izen emateko azken eguna
Larunbatean ospatuko dute Itsasoko jubilatuen eguna. Alegian elizan meza, taldeko argazkia eta Itsasoko ostatuan bazkaria izango dute.
2022ko jubilatuen eguneko taldeko argazkia. Larunbat honetan, Itsason, jubilatu eguna ospatuko dute. 13:00etan Alegiako elizan meza santuarekin emango diote egunari hasiera. Horren ondoren, 13:45ean taldeko argazkia aterako dute, eta, jarraian Itsasora itzuliko dira bazkaltzera. Bazkaria Ostatuan izango da 14:30ean, eta bertaratu ahal izateko izen ematea gaur amaituko da. Bazkariaren prezioa 20 eurokoa da jubilatuentzat, gainontzekoentzat 40 euro. Interesatuentzat, udalera deituta (943 47 77 90), udala@itsaso.eus helbidera idatzita edo 628 43 74 22 zenbakira mezu bat bidaliz izen eman dezakete.
