Joskintza tailerra egingo dute astearteetan, udaletxean
Parte hartzeko kultur etxean izena eman behar da, edo kultura@legorreta.eus helbide elektronikoan. Azaroaren 28an hasiko da.
PENTAX Image Legorretako Udaleko kultur lantaldeak joskintza tailerra antolatu du. Ana Rosa Agirrek emango du, astearteetan, 16:45etik 18:45era, udaletxeko bigarren solairuan. Azaroaren 28an hasiko da, eta maiatzaren 7ra arte iraungo du. Plazak mugatuak dira.
Gehienez sei laguneko taldea osatuko dute. Horretarako parte hartu nahi dutenek izena eman behar dute kultur etxean, edo kultura@legorreta.eus helbide elektronikoan, azaroaren 17a baino lehen. Gehieneko kopurua betetzen bada, zozketa egingo dute izena eman dutenen artean.
Matrikulak 30 euro balio ditu. Tailerra hasi aurretik, azaroaren 21ean, bilera informatibo bat egingo dute, 16:45ean.
