Maddi Agirre ordiziarrak brontzezko domina irabazi du Espainiako bloke txapelketan
Asteburuan jokatu da Espainiako bloke eta abiadura eskalada txapelketa, Caceres-en. Ordiziarrak 16 urtez azpikoen kategorian lortu du hirugarren postua.
Espainiako abiadura eta bloke eskalada txapelketa jokatu da asteburuan Extremadurako Caceres hiriko Plaza Nagusian. Maddi Agirre Zubeldia eskalatzaile ordiziarrak bloke txapelketan brontzezko domina eskuratu du. 16 urtez azpikoen kategorian sailkatu da hirugarren postuan. “Denboraldia bukatzeko modu hoberena, oso gustura egindakoarekin urte guztian zehar eta asko disfrutatuz”, adierazi du sare sozialetan.
