Olaberriko estazio meteorologikoa martxan jarri dute
Unean uneko datuak on-line kontsulta daitezke.
![](https://goierri.hitza.eus/site/files/2023/11/estazioa-ira30-1200x900.jpg)
Lehengo asteaz geroztik, eguraldi neurketak egiteko eta emateko zerbitzuan sartuta dago Olaberriko estazio meteorologikoa. Herriko kaskoan, pilotalekuaren barrenean kokatu dute udalak eta herri eskolak elkarlanean. Asteklimaren barruan, irailaren 30ean aurkeztu zuten estazioa, eta lehengo astetik martxan da.
Momentu oro igortzen ditu datuak. Udal webguneko (olaberria.eus) lotura batean kontsulta daitezke eguraldiaren zenbait arlo: tenperatura, hezetasuna, presioa, haizea eta euria, nola unean uneko balioak, hala eguneko gorena eta minimoa.
![](https://goierri.hitza.eus/site/files/2023/11/estazioa-ira30-500x375.jpg)
Olaberriko estazio meteorologikoan, aurkezpen egunean. /Aitor Urkiola