Aizkorrin Barrena mendi martxako kamisetak banatzen bihar hasiko dira
Mendi martxaren egunean jaso ez zituzten legazpiarren kamisetak dira. Hiru astez egongo dira antolatzaileak, astearte eta ostegunetan, elkartean bertan.
Aizkorrin Barrenako boluntarioak, kamisetak eskuetan dituztela. Aizkorrin Barrena mendi martxako antolatzaileak bihar hasiko dira legazpiarren artean kamisetak banatzen Izadi Zaleak elkartean. Bihar hasita, hiru astez egongo dira han, astearteetan eta ostegunetan, 18:30etik 19:30era.
Ohi bezala, mendi martxa egin eta amaitzean, kamiseta bat jasotzen dute oparitzat mendizaleek, baina legazpiarrei aste batzuk itxaroteko eskatzen diete antolatzaileek, kamiseten enkargua eskarien arabera egiteko. Legazpiarrek eskatutako kamiseta horiek iritsi dira, eta bihartik aurrera jaso ahal izango dira elkartean.
